Pakkutap telefonia 00299 812074

Attavissat

 

 Målgruppe

 Meeqqat 6-18-nik ukiullit najugaqartuutigineqarsinnaapput qulingiluat,

 taamaattoq pisariaqartitsineq malillugu nukanganerusunik tigusisinnaalluta,

 ullumikkullu aamma taamatut inissisimavugut. Illu pingasunut avinnikuuvoq

 qulleq angajulliit 14-15-nik ukiullit najugaqarput, ataaseq 9-nik ukioqalertussaq.

 

 Kiisalu ataaniipput meeqqat mikinerit 2-7nik ukiullit, alleq allaffittut

 atorneqarpoq.

 

 Kikkut sullippagut?

 Sineriak tamaat eqqarsaatigalugu Kommunet tamaasa sullisissallugit

 ammaffigaagut, taamaattoq qeqqata Kommunea pingaarnertut

 suleqatigissallugu pingaartipparput, avataaneersunilli arlalinnik

 najugaqartuuteqarpugut.

 

 Meeqqat sumiginnakkat qatanngutigiit, meeqqanik inissiiniartoqartillugu

 visitationsudvalge ataatsimiittarpoq saaffiginnissutigineqartut ilumut pakkutami

 najugaqartissallugit naleqquttuunersut nalilersorlugit,

 tassani tunngavigineqarpoq meeraatigut najugaqartooreersut illersorniarlugit

 minnerunngitsumillu aallartitsinitsinni  isumaqatigiissut uniorpallaarniarnagu,

 imaassinnaavoq sakkortuumik sumiginnagaasimasoq aanngajaarniutinillu

 atuisuulluni, nukersortartoq allatigulluunniit sakkortuumik periuseqartoq,

 taamaassimappat Pakkutami najugaqartissallugu naleqquttuusimassanngilaq,

 imaluunniit innorluuteqarsimappat, innarluuteqarluniluunniit.

 

 Saaffiginnissutigineqartup ukiui aamma apeqqutaatittarpagut,

 najugaqartuutitsinnut naleqquttuunersut, ukioqatigipajaarpagit

 immikkoortortamilu inissaqarpat tigusinnaasarlutigit.

 

 Qatanngutigiinnik angerlarsimasuuteqassalluta aaliangernitsinnut

 tunngavigivarput, sinerissami angerlarsimaffiit taamaattut amigaataammata,

 meeqqallu inissinneqarnerminni angajoqqaaniik avissaartinneqarnerup

 saniatigut aamma qatanngutiminnik avissaartinneqannginnissaaat

 iliuuseqaqataaffigerusullugu, tamannalu maannamut takusinnaavarput

 assorujussuaq iluaqutaasoq imminnut tapersersoqatigiillutik

 peroriartoqatigiillutillu najugaqatigiissinnaammata.

 

 

Perorsaariaaseq
Sulisoqarneq
Saqqaanut
Pingaartitat
illumi assit
WEBMAIL